ВОРКШОП ТУРАЛЫ
'STYQ Online
MÄTIL аударма воркшобы — бұл эксперимент және Қазақстандағы қазақ пен орыс әдебиеті арасында диалог құруға деген талпыныс. Біз қазір тұрып, жазып жүрген қазақстандық ақындарды бір-бірін аудару үшін шақырдық. Қатысушылар: Абзал Сүлеймен, Анастасия Белоусова, Виктория Русакова, Рамиль Ниязов және Тілек Ырысбек.
Оларға халықаралық тәжірибе де беру үшін, біз Польшаның Бирмингемде (Ұлыбритания) тұратын ақыны Богдан Пьясецкиді шақырдық.
Воркшоп жұмысын қазіргі кезде Назарбаев Университетінде қызмет атқаратын ақын, оқытушы және сценарист Мария Дейкуте (АҚШ) бағыттады.
Біз олардың өмірінің алты күнін басқа шаруалардан сақтап қалып (мүмкіндігімізше) сол уақыт ішінде аударма, оның әртүрлі тәсілдері, тіл ерекшеліктері туралы сөйлестік, бір-бірімізге сұрақтар қойып, бір-біріміздің мәтіндерімізге батып, танысу қуанышы мен түйісу рақатын алдық.
Воркшоп үш тілде өтті (қазақ, ағылшын, орыс), оның нәтижесінде өзара аударма сериясы туындады. Осы мәтіндерді назарларыңызға ұсынамыз.
МАРИЯ ДЕЙКУТЕ
Воркшоп медиаторы, ағылшынша және орысша аударманың редакторы
Мария Дейкуте — ақын, аудармашы, оқытушы және сценарист, поэзия, музыка, театр және көркем өнер арасындағы диалогқа бағытталған арт-жобалар ұйымдастырушысы. Massachusetts University: Boston әсем өнерлер факультетін және Brooklyn College антропология факультетін бітірді. Эссе, орыс және ағылшын тілдеріндегі өлеңдер мен либреттолар авторы, Massachusetts Poetry Festival және Gallup Theater Festival қатысушысы. Соңғы жарияланымдары Rust+Moth, Dos Gatos Press, Cholla Needles, Incessant Pipe-те шықты. Қазіргі кезде Астана қаласында Nazarbayev University-де еңбек етеді.
АРДАК НУРГАЗЫ
Қазақша аударманың редакторы
Ардақ Нұрғазы — ақын, драматург һәм сыншы. 1972 жылы Қытайдың Шыңжаң өлкесі, Толы ауданында дүниеге келген. «Жалған бостандық кітабы» (2009), «Арақұс» (2012, қазақ, қытай тілдерінде), «Дәлдік һәм тұнықтық» (2014, ағылшын, қытай, қазақ тілдерінде), «A Garden of Trees and Other Poems» (2016), «Pebbles, Eggs and the Fence: A Collection of Poetry from Central Asia» (2020, Australia, «Puncher & Wattmann») өлең жинақтарының, «Қазақтың модернистік поэзиясы» (2010), «Таным мен талғам» (2018) сын кітаптарының, «Сызықтар мен нүктелер» (2010) әңгіме жинағының авторы. Өлеңдері мен мақалалары ағылшын, қытай және орыс тілдерінде жарық көрген.
